السلام عليكم ورحمة الله وبركاته

مسائكم قطرات مطر,,تطهر قلوبهم

راح اعرض لكم بهالتدوينه اخر ستايلين صممتهم

ان شاء الله راح تعجبكم

الأول:

لـ رحلة أمل

الثاني:

لـ الشيخ سليمان الخمسان

 

شكرا لمروركم

السلام عليكم ورحمة الله وبركاته

بعد هالإنقطاع..عدت إليكم بهالستايل الجديد

ومعاي الكثير الكثير من التدوينات

بإذن الله راح انزلها

اخليكم الأن مع درسين لتعديل الصوره..ان شاء الله راح تفيدكم

 

 الدرس :

 

 

 الدرس :

 

 

 

مسائكم / صباحكم..راحه

اول شي مبارك عليكم الشهر <<صح النوم

وأخيييييييرن شرريت استديوو

كاان حلم من احلااميوالحمدلله بفضل ربي قدرت اشتريه

شريته عبر النت من ebay فقط بـ 1500 ريال تخيلو

السوفت بوكس بروحه بدون لمبه في السلام لقيته تقريبا بـ 1400 ريال

وماطولت بالشحن يمكن قعدت اسبوعين تقريباً

الحلو انها جابت لنا بنفس قوة الكهرب..اسألتنا اول شي وش نوع الكهرب حقنا وجابت لنا اللي يناسبه..ياحليلها

الاغراض..عباره عن 2 امبريلا+ 1 سوفت بوكس+ شنطه..احلى شي الشنطه

بعد معاناااه وتعذيييييب قدرت اركب السوفت بوكس..خفت اكسرها>_< بس يبي لها شوي شد

علشان تركب عدل..

هنا فيديو للي حاب يعرف كيف طريقة تركيبهعلشان مايحوس مثل حوستي

“Continuous Lighting Softbox Assembly Instructions”

المشكله اللي واجهتني اني محتااجه مكااان احط فيه هالفلاشات

كل ماجيت ابي اصور ارجع اركبها من جديد إلا السوفت بوكس ماافككه لانه صعب

حتى صرت اتعيجز اصور..تجي في بالي فكره ابي اصور واذا تذكرت اني بطلع الفلاشات وبركبها اهون منها

———-

في يوم القرنقعوه..اضطريت اني اطلع الفلاشات علشان اصور هالمبزره

ركبتها وضبطت الديكور للتصوير

بس اللي كان مغربلني ان المبزره كلهم وراي وكل شوي ساحبين واير ويتعثرون فيه

اقول لهم قعدوو مكاانكم محد يسمع الكلام

هذاك اليوم ارتفع ضغطي بشكل فضيع وطاحت نظارتي وانكسرت بعد

ياني كرهت هذاك اليوم

بس الحمدلله اني طلعت بنتائج حلووه للصور كل تعب وراه شي حلو

هذي النتيجه صورة ولد اخوي..

اذكرو الله

ماشاء الله تبارك الرحمن

أتمنى عدم استخدام الصوره بدون استئذان

.

.

وبس هذا للي عندي اليوم

مشكوورين عالطله

 

السلام عليكم ورحمة الله وبركاته

أسعد الله أوقاتك براحة دائمه

حبيت أخصص هالمدونه لـ شهر 7 اللي طاف..والاشياء الحلوه اللي صارت فيه^_^

من زمان وانا ناويه انزلها بس العجز ذابحني

- تم تكريمي بأسمي واسم المنتدى في “مركز موزه بنت محمد للقرأن والدعوه”

 

 

مع انه كان اخر يوم وقمة الملل..لان محد جا معي>_<

بس لما ناودوني بأسمي وكرمووني بغيت اطيير من الفرحه

ومشرفة البرنامج قعدت تمدح فيني

وترى بالمدونه اللي قبلها ..تكلمنا عن استضافتهم لنا

تغطيه لـ منتديات رحلة أمل

 

- وهذي الكيكه من الغاليه:

M!ss-Coffee 

 

 يافدييت قلبها هالعصلا

 

فيها اسماء الصور الرمزيه للعضوات في المنتدى اللي كنا راح نتجمع وقتها بالمركز

بس نصهم ماحضر

- وهنا شهادة من  المجلس الأعلى لشؤن الاسره 

 

 

ترى شكلها مره حلوو بس تصوير الجوال ظالمها:/

اللي شاركت معااهم في مسابقة “ادخارنا ضمان لأشرتنا” واخذت المركز الثاني^_^

وهنا المدونه فيها الصور اللي شاركت فيها

مسابقه “إدخـارنـا..ضمـان لأسـرتنـا”

.

 

- نجي للإعلانات+ الشعارات اللي صممتها>>تحسون اني ابي احط كل شي مره وحده

 

+ هنا إعلان “لمركز موزة بنت محمد” لدورات شهر 7

 

 

 

+ وهذا الشعار اللي صممته لهم

 

 

وهذا شعار كان بالصيف بنفس وقت استضافتهم لي^_^

كانت ذكريات حلووه وتجربه أحلى..استمتعت واستفدت فيها حيييل

 

.

 

.

 

- وهنا اخر شعار صممته لـ  اللجنه الأولمبيه القطريه

 

 

 

ماعجبني حيل كاان غير عن كذا بكثيير

بس من كثر تعديلااتهم غيرو الفكرره حييل..طالع بسيط ماكأني سويت شي!!

 

 

وهيك انتهينا>>اخييرن ارتحت

 

 شكراً لمتابعتكم

السلام عليكم ورحمة الله وبركاته

صباحكم كحله سايحه

نخش بالموضوع ابرك لنا

تمت دعوتنا من قبل مركز موزه بنت محمد للقرأن والدعوه

على اننا نعرض منتدانا ونحط خرابيط للنشر ونتكلم عنه<<منطمه مانطقت بشي

اخليكم مع الصور

لا لا الأنشوده أول شي..علشان تخشوون بالجووو

هنا الرابط

أشكر المنشد “عزام الهويريني” على الأنشوده الي وصلت بأخر لحظهبس تستااهل والله كل هالتأخيرر..تجنن

وطبعاً أشكر حلاوي..فديت قلبها ..ماقصرت والله بتعديل الكلمات وبإزعااج المنشد لين خلصها بأخر وقت
.

شعار برنامج صيفيات ..” ترى انا مصممته”

.

 

الركن

.

الرول أب..هذا نكتته واحناا نحاول نعلقه كلنا واقفيين ونحط العمود اللي ورى ولا أحد يقدر يووصل له خخخخ

بالاخير ساعدتنا اللي جنبنا..قالت اسدحوه وركبووه

.

الملفات فيها المطويات +فاصل للكتاب +ميداليه + قلم+كتيب اذكار

وجنبها ستيكرات على شكل ورده..هذي لزقناها كلنا على صدورنا

وعلى بعض المبزره في المركز

وفي الوسط الكتيبات التعريفيه للمنتدى

.

 

المطويات ..غير عن اللي في الملفاات

.

الفلاش..متأكده ان محد التفت له ولا قرا اللي فيه

رابط الفلاش

.

توزيعات الكتيبات التعريفيه عن المنتدى ..عند البوبه

.

ستيكرات كنا حاطينها على صدورنا

لقاءنا مع “عنود + فطـوم + Ame “

كاان قمه الونااااااااااااااااااااااااسه..فدييتهم والله..ماأنسى فزعتهم لي..اتمنى اننا نكرر هاللقاء..بجد وناااسه بشكل ماتتصورونه

انوااع الإستهباال بعد ماراحو العاالم ..ومابغينا نطلع من المركز

لين جااو الأمن وقالوها في وجيهنا “نبي نسكر المكان ” طررده خخخ

تمنيت الدره المنثووره تجيي >_<..يالله ان شاء الله نشووفك في الايام الجايه

شكراً إلى :

نـور../ على الأقلام

حلاوي / على الانشوده

جوهـــ احساس ـــرة / على كلمات الأنشوده

أم الولأء / على الفلاش

كادي + رمانه / على التصاميم الميداليات + الفواصل

سديم / على المقدمه والأفكاار

شموخ الكويت / على البحث في مطابع الكويت لطباعة الأقلام

شوكلاته وكادي / على البور بوينت للحملات..موجوده في السي ديات بس ماوصلت وماقدرت احطها مع اول يوم
ان شاء الله الإيام الجايه بتكون السي ديات مع الملفاات

ضيوعه +الفوز+عمتوو +كادي + الفالحه / على تقصييص الميداليات والستكيرات وترتيبها وتنسيق الملفات وكل حاقه

ولا أنسى ..” أمي ..وأخواني“..على تشجيعهم ووقفتهم معاي <<دموع الفرح
تعبببتهم حييل

 

“أتمنى اني مااكون نسيت أحد”

 

في الختام

حوستنا في البيت
.

 

.

أتمنى ان قدرت اغطي العرض كله

السلام عليكم ورحمة الله وبركاته

جانا اعلان بالمسجات عن مسابقه في الجامعه

 

وماكان يمديني ابد اني اجيب فكره وارسل لهم الصور

عصررت مخيي حييل :سيكو: والحمدلله اللي قدرنا نشارك حتى لو مافزنا اهم شي

اننا مافوتنا هالفرصه منا

وارسلتها لهم على اخر يووم>_<

شاركة معاهم بـ 3 صور

والحمدلله حصلت على المركز الثاني ..

وبس

السلام وعليكم ورحمة الله وبركاتهالحمدلله خلصت تصميم غلاف كتاب لـ وزارة الإقتصاد والتجارهـ

قعدت عليه تقريباً أكثر من3 شهور!..بسبب تعديلاتهم وملاحظاتهم اللي

ماتخلص ..وعلى ماطبعووه..والخرابيط اللي طولوو فيه >_<والحمدلله تمت طباااعته بعد معانااه..ووصلت لي نسختي..وطررت من الفرررحه

أول غلااف أصممه ويتم طبااعته

تفضلوو

ترى السي دي هم اللي معدليين عليه-_-!

حبيت انكم تشاركووني فرحتي

 

 

السلام عليكم

 

فلتر

Neat Image 

واخييرا لقينا هالفلتر المدووخناا تدويييييخ

المشكله اني نزلته من زمان ولا عرفت له واللحين نزلته خبصت وخبصت إلا اعرف له>_<

والحمدلله عرفت له

وطبعا ماراح ابخل عليكم بالشرح..تفضلوو

بعد ماتنصبين البرنامج وتفتحينه

1

http://www.r7ltamal.com/vb/uploaded/7_1neat.jpg

1- نفتح الصورهـ من الملف اللي هي فيه

2- نختار الصوره

3- نفتحها

شفتو سهل <<تعبتي حالك خخ

2

 

http://www.r7ltamal.com/vb/uploaded/7_2neat.jpg

1- نختار هالخيار

2- نعمل مربع بهالايقونه حتى نشوف عينه من العمل

3- نلعب بالاعدادات لين تطلع معنا التأثيرات والنعومه اللي نبيها

3

http://www.r7ltamal.com/vb/uploaded/7_3neat.jpg

1- نختار هالخيارت

2- نثبت المؤثرات اللي عملناها على الصوره

3- نحفظ العمل بالملف اللي نبيه

وبس

الشغله بسييطه جداً

وعندكم صورة الـ دائره ابيض واسود للتأثير بالإضاءه

وهذ تطبيقي

قبل

وبعد

التحميل | Download

معلومات و شرح إنجليزي | Instructions

+++++++++++++++++++++++++++++

وهذا كتاب فيه دروس للتعديل على الصور..كثيير حلوو واستفدت منه
:الكتاب بصيغة PDF

وهو بداخل الملف المضغوط حجم الملف : 1.68 م.ب

للتحميل من هنـــــا   

السلام عليكم

اليوم تلقييت خبر كثيير كثيير حلوو..من وحده غااليه علي

اتصلت علي وانا بوسط السوق خبركم حريم وشافو السوق..لاتسأل عنهم خخخ ..

 

وانواااع الإزعااج مع صجة البزران كلن يبي لعبه>_<

المهم..

 

انا وياها اشتركنا في معرض “نساء فوتو”

 

وارسلنا لهم الصور بعد طلعت الروح

 

وطبقنا فيها الشرووط وهذي الصور

ادري انها مو بهذاك المستوى علشان اشارك فيها..ولكن مجرد محاوله نحب نزاحمهم على معارضهم
الحمدلله وصلت لهم الأعمال الـ 4 تم قبولها برساله على الجوال

 

<<طرت من الفرحه ماخليت احد بالبيت إلا وراويته هالرساله

وصديقتي هاللحين متصله علي علشان تخبرني انه تم

وضع وحده من صوري على بنر الإعلاني للإفتتاح بالمعرض

http://www.nesaaphoto.com/up/bublisher2008.jpg

وربي طرررت من الفررحه شوووفوو الصوره على جهة اليمين تحت..وناااااااسه وربي

شعور اعجز عن وصفه..يمكن عند البعض يكون شي عادي جداً..

بس بالنسبه لي وكبدايه مشواري بهالمجال..حسيت اني طرت فووق من الونااسه
.

 

.

ترتر
فديت ألبك..على هالخبريه الحلوه..لولا الله ثم لولاك ماكان تشجعت وشاركت

السلام عليكم ورحمة الله وبركاته

اليوم جايبه لكم كاركتير يو في حياة طالبه في جامعة قطر  الله يعينها

 الرسمه للأخت ” دلال”..رسمتها لمسابقه في الجامعه والحمدلله فازت فيها

وطلبت مني الونها بالفوتوشوب..واستمتعت حيل^_^

 

رسمتها جناان من جد صورة المعاناه والاشكال الفضيعه اللي نتصبح فيها مع الصبح

 

اخليكم مع الرسمه

 

http://www.r7ltamal.com/vb/uploaded/7_dalall.jpg

تستاهليين الفوووز